المطبختحدي رديف (١)سلسة تدويناتيوميات

هذه التدوينات تشبه سلسلة من المفضلات، بدأتها بكتب الطبخ عامة ثم كتبي الخاصة للطبخ والان مفضلاتي من السوشال ميديا مين أتابع على يوتيوب وانستقرام وسناب شات.. أتابع العديد، لكن ليس العديد جدا ، افضل ان تكون الأعداد محدودة حتى استفيد بشكل أكبر- وأقدر اتابعهم كلهم – .

على السوشال ميديا

الغنية عن التعريف آية حبيب، طبخاتها كثيرة وجيدة وتنصح في كثير من الاوقات ببدائل ، مالها مجال محدد، مع انها – مثل ما قالت – ماعندها دراسة اكاديمية عن الطبخ (بالنسبة لكثرة المعلومات اللي تقولها) – لكنها تحب تطبخ وبدت تتعلم الاشياء على اصولها وتقرأ هنا وهناك وكونت خبرتها.

رنين تيبل (Raneens.Table) ، أحب اتابع رنين على سناب أكثر شيئ، يومياتها مثرية وجميلة تشارك بعض الملاحظات من السوبرماركت لما تقضي، وأحيانا تشارك مقتطفات من الكتب اللي تقرأها ، وتشارك تجاربها في اعداد وصفة لما تضبط.. وصفاتها على يوتيوب دايما تضبط معايا خاصة الحلا والكيك ( من مفضلاتي). جربت اشياء كثير من عندها، اعتمدت وصفة بنانا بريد حقها، شوربة الحب، كيكة سويسرول،بودينج التمر.

على سناب كمان اتابع منى Mona ..منى شيف حلويات وعندها مخبز صغير تعمل كيك و تشيز كيك.. تشارك تلميحات وتجارب من الكتب او يوتيوب ،منى فنانة وتشوف جمال في كل شي (فن شوية صعب يحتاج تركيز) بس عموما حسابها خفيف مو دسم..

على انستقرام للأبد حساب أفنان الجوهر ..ما اعرفها كثير وماعندها يوميات -احس حسابها رسمي-بس غالبا وصفاتها مضبوطة ولذيذة، ما قد جربت شي من عندها إلا و ضبط..

طبعا الجميلة شروق النهدي، احب اتابع انستقرامها الوصفات فيه مرتبة ، يومياتها بسيطة سوالف وخرجات عادة ما تكون متعلقة بالطبخ، زمان كنت اطبق اشياء كثير من عندها، الحين اغلب شغلها شو وتصوير -احس صارت تتاخر وتنزل لنا وصفة💔- احب الدجاج المندي على طريقتها-.

اتابع كمان بدور الجدعاني و عواطف ام صبا على سناب شات (اثنينهم يوميات، بس اذا اقترحوا وصفة تكون لذيذة).. بدور فنانة وخاصة في المخبوزات، تعلم نفسها بنفسها، بدأت بمتجر صغير كانت تبيع معمول وبيتفور ،الان تبيع سينابون وساندويشات ، وتستعد لفتح مخبزها الخاص.. من قبل كانت تشرح العجن وطريقتها في اعداد السينابون بتفصيل كبييير، الان اغلب محتواها يوميات او اعادة لوصفات قديمة.. عواطف ام صبا نفس الشي، محتواها يوميات لكن وصفاتها وحلوياتها دائما مضبوطة وموزونة صح، معتمدة طريقتها في اعداد مرق الدجاج واللحم.

طبعا اخيرا وليس اخرا – يارب ما اكون نسيت احد- حساب ١٥ ثانية على انستقرام، طبعا المعروف لا يعرف مثل ما يقولون..حسابها جميل وتغذية بصرية، مؤخرا اعتمادها عالأغلب في طرق التقديم.. من الوصفات اللي اعتمدتها وصفة البرياني وفتة الباذنجان.

هذه لفة سريعة على اغلب اللي اتابعهم..وفيه غيرهم اكييد تستعرضهم في وقت لاحق..

هذه التدوينة جزء من #تحدي_رديف اليوم الخامس

Tagged:

اترك رد

Related Posts

%d مدونون معجبون بهذه: